पहिरोले रातभर अवरुद्ध मुग्लिन–नारायणगढ सडक बिहानबाट खुल्यो

पहिरोका कारण गएरातिदेखि अवरुद्ध बनेको मुग्लिन–नारायणगढ सडकखण्डमा सवारी साधन सञ्चालन हुन थालेको छ।

चितवनको इच्छाकामना गाउँपालिका–६ स्थित तोपेखोलामा पहिरो खस्दा शनिबार राति ८ बजेदेखि सडक अवरुद्ध भएको थियो। रातभर सवारी रोकिँदा हजारौँ यात्रुले सास्ती पाएका छन्।

जिल्ला प्रहरी कार्यालय चितवनका अनुसार पहिरो पन्छाएपछि सडकमा बिहान ५ः३० बजेबाट सवारी साधन गुड्न थालेका हुन्।

पहिरो पन्छाउनका लागि मुग्लिन र भरतपुरबाट एक–एकवटा जेसिभी प्रयोग गरिएको थियो।

पहिरो हटाएसँगै अलपत्र परेका सवारीसाधन आफ्नो गन्तव्यतर्फ लागेका छन्।

Leave a comment

Your email address will not be published.