झाँक्रीको पनि राजीनामा, पत्रकार सम्मेलनबाट औपचारिक घोषणा गर्दै

झाँक्रीको पनि राजीनामा, पत्रकार सम्मेलनबाट औपचारिक घोषणा गर्दै

शहरी विकास मन्त्री रामकुमारी झाँक्रीले पनि पदबाट राजीनामा दिने भएकी छन्।

उनले आफ्नो राजीनामाबारे आइतवार अपरान्ह पत्रकार सम्मेलन गरेर औपचारिक जानकारी दिने उनको सचिवालयले जानकारी दिएको छ।

नेकपा एकीकृत समाजवादीले २२ जेठमा मन्त्री फिर्ता बोलाएर नयाँ नेताहरुलाई सरकारमा पठाउने निर्णय गरेको थियो।

यद्यपि सरकारले प्रस्तुत गरेको आगामी वर्षको बजेटमाथि उठेका प्रश्नको जवाफ दिएर मात्र राजीनामा दिने उनीहरुले बताएका थिए।

झाँक्रीले आइतवार मात्रै राष्ट्रियसभा उठेका प्रश्नको जवाफ दिएकी थिइन्। यसअघि पर्यटनमन्त्री प्रेम आलेले पनि अध्यक्ष माधव नेपाललाई राजीनामा बुझाएका छन्।

यो पनि
विदेशमा अलपत्र एक हजार १२ कामदारको उद्धार गर्याैं : मन्त्री श्रेष्ठ


श्रम, रोजगार तथा सामाजिक सुरक्षामन्त्री कृष्णकुमार श्रेष्ठले वैदेशिक रोजगारीलाई सुरक्षित र भरपर्दो बनाउन सरकारले विशेष ध्यान दिने बताएका छन्।

उनले वैदेशिक रोजगारीका क्रममा विभिन्न मुलुकमा अलपत्र एक हजार १२ जनाको उद्धार गरिएको जानकारी दिए।

राष्ट्रियसभाको आजको बैठकमा विनियोजन विधेयक, २०७९ अन्तर्गत उठेका प्रश्नमाथि जवाफ दिँदै मन्त्री श्रेष्ठले वैदेशिक रोजगारीमा जानेको सङ्ख्या वृद्धिसँगै यस क्षेत्रमा देखिएका विकृतिको अन्त्यका लागि अनलाइन प्रणालीबाट श्रम स्वीकृति दिन थालिएको र गुनासा तत्काल सम्बोधनको व्यवस्था गरिएको स्पष्ट गरे।

तोकेभन्दा बढी रकम लिने म्यानपावर कम्पनीलाई कारबाहीको दायरामा ल्याई पीडित श्रमिकलाई राहत दिइएको, वैदेशिक रोजगार हेर्नेगरी अलग्गै प्रहरी युनिट खडा गर्ने तयारी भएको, पीडितलाई क्षतिपूर्ति दिने क्रम जारी रहेको अवगत गराए।

उनले प्रधानमन्त्री रोजगार कार्यक्रमबाट एक लाख २१ हजारको रोजगारी सिर्जना गरिएको, सामाजिक सुरक्षा कार्यक्रममा वृद्धि हुँदै गएको, युवाको सीप सिकेर रोजगारमा जानेको सङ्ख्या वृद्धि हुने र मन्त्रालयको सेवा प्रवाहमा सुशासन तथा सुधारको क्रम वृद्धि हुँदै जाने विश्वास पनि व्यक्त गरे।

सभाको आगामी बैठकमा बाँकी रहेका मन्त्रालयगत विभिन्न शीर्षकमा उठेका प्रश्नमा सम्बन्धित मन्त्रीले जवाफ दिने तय भएको छ।
सभाको अर्को बैठक यही असार १३ गते सोमबार बिहान ११ बजे बस्नेछ।

Leave a comment

Your email address will not be published.