हर्क साम्पाङलाई अब चाहि भयङ्कर अप्ठ्यारो पर्ने संकेतः तात्यो एमाले, चाल्दैछ कडा कदम !

काठमाडौँ । धरान महानगरपालिकाका मेयर हर्क साम्पाङलाई अप्ठ्यारो पर्ने संकेत देखिएको छ । प्रमुख प्रतिपक्षी दल नेकपा एमाले तातेपछि उनलाई अप्ठ्यारो पर्ने देखिएको हो ।

यसैबीच, एमालेले कडा कदम चाल्ने चेतावनी समेत दिएको छ । बराह सहकारी पीडितहरुलाई लिएर विवाद बढिरहेका बेला नेकपा एमालेकी नेतृ मञ्जु भण्डारीले धरानका मेयर हर्क साम्पाङलाई साइबर अपराधको मुद्दा चलाउने चेतावनी दिएकी छन्। बराह सहकारीपीडितको नाममा आफ्नो कार्यकक्षमा तोडफोड गरेपछि मेयर साम्पाङले यसमा भण्डारीसहित एमाले नेता कार्यकर्तातर्फ औँला ठड्याएका थिए।

यसलाई लिएर मेयर साम्पाङमाथि भण्डारीले आफ्नो फोटोसमेत दुरुपयोग गरी हुँदै नभएको कुराको आरोप लगाएको दाबी भण्डारीले गरेकी हुन्। धरानका मेयर हर्क साम्पाङज्यू१ बराह पीडितहरूसँगका तपाईंका प्रसंग जोडेर मेरो फोटो दुरूपयोग गर्ने र एमालेलाई लाञ्छित गर्ने काम किन गर्नु हुन्छ, उनले प्रश्न गर्दै भनेकी छन्, तपाईंलाई साइबर अपराधबारे जानकारी नै नभएको त कसरी भनौँ?

भण्डारीले लोकप्रियताका नाममा मेयर साम्पाङले होस गुमाएको आरोप पनि लगाएकी छन्। नगर सरकारका प्रमुखले लोकप्रियताका नाममा होस गुमाउँदा नगरवासीको शीर निहुरिनेमा सजग बन्नु भयो भने मात्रै धरानवासीको मर्यादा उँचो हुने हो, उनले भनेकी छन्।

उता मेयर साम्पाङले भने बराह सहकारी पीडितहरुले पीडितहरुलाई न्याय दिलाउन छानबिन समिति बनाएर प्रदेश सहकारीबाट रजिष्ट्रारलेसमेत अध्ययन गरिरहँदा कार्यालयमा आक्रमण भएको बताएका छन्।

छानबिन समितिले काम गरिरहेका बेला घेराउ, नाराबाजी, गालीगलौज र कार्यालय तोडफोड भएको उनले बताएका छन्। उनले विवाद बढेपछि आफूले हामीलाई सोधेर सहकारीमा पैसा राखेको हो र ? भनेर प्रश्न गरेको स्वीकारेका छन्।

स्मरणीय के छ भने २०७४ मा निर्वाचित तत्कालीन मेयर तारा सुब्बाको निधन भएपछि मञ्जुले करिब डेढ वर्ष कार्यवाहक मेयरका रुपमा काम गरिन्त्यसपछि बीचमा भएको निर्वाचनमा कांग्रेसका तिलक राई विजयी भएका थिए। तर गत वैशाख ३० गतेको निर्वाचनमा हर्क मेयरमा निर्वाचित भए। हर्क मेयर बन्दा कांग्रेसका किशोर राई दोस्रो र मञ्जु तेस्रो स्थानमा सीमित भएकी थिइन्।

Leave a comment

Your email address will not be published.