काठमाडौँ उपत्यकामा आज जोर नम्बरका सबारी मात्रै चल्न पाउने

????????????????????????????????????????????????????????????

काठमाडौं उपत्यकामा आज जोर नम्बरका सबारी साधन मात्रै सञ्चालन हुँदैछन्। गए राति १२ बजेदेखि काठमाडौं उपत्यकाका तीन जिल्लाका स्थानीय प्रशासनले सबारी साधनमा जोर बिजोर प्रणाली लागू गरेका हुन्।

आज (माघ ८) जोर गते भएकाले आज अन्तिममा बिजोर नम्बर भएका सवारी चल्न पाउने छैनन्। उपत्यकामा आज जोर नम्बर भएका सबारी मात्रै चलाउन पाइने स्थानीय प्रशासनले जनाएको छ।

कोभिड १९ को नयाँ भेरियन्ट ओमिक्रोन तीब्र रुपमा फैलिएपछि उपत्यकाका तीनै जिल्लाका स्थानीय प्रशासनले यातायातका साधनमा जोरबिजोर लागू गरेका हुन्।

बिहीबार बसेको उपत्यकाका तीन जिल्लाका प्रमुख जिल्ला अधिकारीको बैठकले यस्तो आदेश जारी गरेको हो। अब जोर गते जोर नम्बर भएका सवारी मात्रै र बिजोर गते बिजोर नम्बर भएका सवारी मात्रै सञ्चालन हुनेछन्।

यो नियम निजी र सार्वजनिक यातायातका साधनमा लागू हुने प्रशासनको आदेशमा उल्लेख छ। दुई पांग्रे सबारी साधनसहित सबै सबारी साधनमा यो नियम लागू हुने प्रशासनले जनाएको छ।

औषधि, स्वास्थ्य सामग्री, एम्बुलेन्स, दमकल, शव वाहन, ग्यास, पेट्रोलियम पदार्थ, पशुपंक्षीका दाना, अन्डा, फलफुल, खाद्यन्न, तरकारी, माछामासु बोकेका सवारी साधानमा भने जोरबिजोर लागू हुने छैन।

त्यसैगरी सार्वजनिक गाडीमा सीट क्षमताभन्दा बढी यात्रु नराख्न, सबै यात्रुलाई मास्क अनिवार्य गर्न, गाडीको ढोकामा र गाडीभित्र यात्रुले प्रयोग गर्ने गरी स्यानिटाइजरको व्यवस्था गर्नुपर्ने नियम पनि लागू भएको छ।

Leave a comment

Your email address will not be published.