रवि लामिछानेले एकाएक किन गरे चुनाव नलड्ने घोषणा ? अर्को बोल्ड निर्णय गरेपछि संघीयता विरोधीहरु बने उत्साहित !

काठमाडौं । संघीयता खारेजीको माग जोडतोडका साथ उठ्दै आएको छ । तत्काल संघीयता खारेज नगरेपछि प्रदेश तह खारेज गर्नुपर्ने माग उठ्दै आएको हो ।

यसैबीच, आफ्नो पार्टीको देश दौडाहा सकेपछि रवि लामिछानेले संघियता अत्याधिक खर्चिलो भयो भन्दै खारेजीको माग गर्नेहरुमा उत्साह ल्याउने एजेण्डासहित अघि बढेका छन् ।

रवि नेतृत्वको राष्ट्रिय स्वतन्त्र पार्टीले आगामी निर्वाचनमा सहभागी नहुने घोषणा गरेको छ । रवि नेतृत्वको पाटीले आगामी प्रदेशसभा निर्वाचनमा सहभागी नहुने बताएको छ ।

रवि लामिछाने अध्यक्ष रहेको उक्त पार्टीले आगामी प्रदेशसभा निर्वाचनमा सहभागी नजनाउने भएको हो । पार्टीको केन्द्रिय समितिको निर्णय अनुसार यो निर्वाचनमा राष्ट्रिय स्वतन्त्र पार्टी उम्मेदवारी,मात्र संघीय तहको प्रत्यक्ष र समानुपातिक निर्वाचनमा रहने अध्यक्ष रवि लामिछानेले भिडियो सन्देशमार्फत बताए ।

‘देशका सातै प्रदेशमा पुगेर भेला सम्पन्न गर्दा हजारौं नागरिकले दिएका अधिकांश सल्लाहमा प्रदेश संरचनाको असन्तुष्टि व्यापकरूपमा देखेको छु । प्रदेश तहको अहिलेको संरचना राज्यकोषको दोहन गरेर राजनीतिक दलका दोस्र, तेस्रा, चौथो तहका नेता व्यवस्थापन गर्ने थलो बनाइएको देखिन्छ ।’

उनले भनेका छन,’यहि संरचनामा हामी प्रदेश मातहतमा सहभागी हुनु भनेको राज्य कोष दोहनमा सहभागी हुनु बाहेक केही होइन। प्रदेश तहमा सहभागी नहुने कुराको आधिकारिक जानकारी हामीले निर्वाचन आयोगलाई गराएका छौं।’ कैयौं मानिस यसको खारेजी माग गरिरहेको सन्दर्भमा राष्ट्रिय स्वतन्त्र पार्टीले यसको सुधार खोजेको रविले बताएका छन् ।

Leave a comment

Your email address will not be published.